په افغانستان کښې د آلمان د همکاریو د تازه پیدا ګېرنو، پېښواو رپوټونو، مطبوعاتی خبرونو ریښتینو او تازه خبرونه د ولایت، نېټې او خبری طرحې په بنا د نورو معلوماتو لپاره د خپرونو، ویدیو ییاو تصوری ګالرۍ او د اړوندو لنکونو او خبری برخو او یا هم کتاب  تونونو ته د تلون په اساس په لمړیتوبونو ویشلی دی

فلتر

پايلې 420
28.10.1397 | خبرپاڼه
د مرغومی د میاشتې ۲۸ نېټه، د کندز ولایت امام صاحب ولسوالي، پرون د کندز ولایت معارف ریاست ته د افغان جرمن همکارۍ د نجونو یو نوی جوړ شوی ښوونځی وسپاره. نوموړی ښوونځی ۸ ټولګي لري او د امام صاحب ولسوالۍ په اورتابولقي کلي کې موقعیت لري. له ۲۴۰ څخه زیات نجونې چې د ۱۱ کلیو څخه ښوونځي ته ځي، له دغه ښوونځي څخه به ګټه اخلي. دغه نوی ښوونځی به کورنۍ وهڅوي څو خپلې نجونې ښوونځي ته واستوي، ځکه چې دغه ښوونځی نږدې دی او په اسانه سره ورته لاسرسی کېږي. دغه ښوونځی په د افغانستان په شمال کې د افغان جرمن د ثبات پروګرام (SPNA) د ۱۹.۶ میلونه افغانیو په لګښت جوړ کړی.
13.10.1397 | خبرپاڼه
د تخار ولایت تالقان ولسوالۍ، د ۱۳۹۷ کال د مرغومی میاشتې ۱۰ مه نېټه: پرون د افغانستان او آلمان همکارۍ او ولایتي چارواکو د تخار ولایت په بنګي ولسوالۍ کې د اوبو لګولو یو کانال چې ۸ کلومتره اوږدوالی یې درلود، په رسمي توګه پرانیستل. له دغه نوی جوړ شوي کانال څخه به د بنګي ولسوالۍ په غورچي، ګروج، لوی قشلاق او جمشید کلیو کې له ۷۵۰۰ څخه زیات ځایي اوسېدونکي ګټه پورته کوي. دغه کانال د افغان جرمن همکارۍ د سیمه ییزې بنسټیزې پراختیا وجهي صندوق (RIDF) په مالي مرسته جوړ شو چې ټولټال لګښت یې تقریباً ۱۰۱.۸ میلونه افغانۍ کېږي. دغه کانال تقریباً په ۱۶ میاشتو کې جوړ شو.
02.10.1397 | خبرپاڼه
کابل، د ۱۳۹۷ کال د مرغومی د میاشتې 2 مه نیټه – پرون د افغانستان د عامې روغتیا وزارت د مور او ماشوم د مرکز لپاره چې د ۳۶۰ بسترو په ظرفیت په مزارشریف کې د بلخ د سیمه ایز روغتون په انګړ کې ودان شوی دی د طبي او غیرطبي تجهیزاتو د پیریدلو تړون لاسلیک کړ. د دغه تړون د لاسلیک په مراسمو کې د افغانستان د اجرائیه رئیس لومړی مرستیال، د افغانستان د عامې روغتیا وزیر او د هغه مرستیالان، او د اجرائیه رئیس منشی هم ګډون کړی وو. د افغان-المان د همکارۍ پروګرام د دې مرکز ودانول او همداراز د نوموړو تجهیزاتو پیریدل تمویل کړي دي.
25.09.1397 | خبرپاڼه
کابل، د ۲۰۱۸ کال د ډسمبر د میاشتې ۱۴مه نیټه – پرون د افغان-المان د همکاری پروګرام د کډوالو د چارو د معینیت لپاره په کابل کې د یوه سیمینار په جوړولو کې مرسته وکړه. د ۲۰۱۷ کال راهیسې د دغه پروګرام د پرانیستې تګلارې مشورتې وجهي صندوق (OPAF) د ظرفیت جوړونې د بیلابیلو کړونو له لارې د افغانستان د مهاجرو د چارو د معینیت سره د هغه د ۲۰۱۵-۲۰۱۹ کلونو د ستراتیژیک پلان د پلي کولو څخه ملاتړ کوي. مهمې موخې دادي چې د افغانستان اتباعو ته د خدمتونو وړاندې کول سمون ومومي او همداراز د وازرتونو او دولتی ادارو تر منځ د مهاجرت په اړه چارې همغږي شي.
25.09.1397 | خبرپاڼه
د ۱۳۹۷ کال د لیندۍ میاشتې ۲۲ نېټه، مزار شریف. پرون د افغانستان د انرژۍ او اوبو وزارت او تاجک ساختماني شرکت (ik Gidro Elektro Montaj (TGEM)) د بلخ ولایت مرکز، په مزار شریف کې د برېښنا د توزیع یوې نوې شبکې جوړولو تړون/قرارداد لاسلیک کړل. دغه شبکه به شا او خوا ۴۰۰۰۰ اوسېدونکو ته باوري برېښنا توزیع کړي. د افغانستان د انرژۍ او اوبو وزیر، د پارلمان او ولایتي شورا غړو او د KfW پراختیایي بانک استاذو په دغه غونډه کې ګډون کړی وو. افغان جرمن همکارۍ د KfW پراختیايي بانک له لارې د ساختماني کارونو لپاره شا او خوا ۴۸۰ ملیونه افغانۍ د لګښت بودیجه ورکوي.
22.09.1397 | خبرپاڼه
د ۱۳۹۷ کال د لیندی میاشتې ۲۲ نېټه، کابل – پرون په کابل کې په عامه اصطلاح د جنډر مسؤلینو لپاره یو ملي کانفرانس (GFPs) جوړ شو. (GFPs) هغه ښځینه رضاکارانې دي چې په خپلو ټولنو کې ښځو ته حقوقي خدماتونه وړاندې کوي. د ښځو چارو وزارت د دغه غونډې کوربه و څو له دغه رضاکارانو ښځو څخه مننه وکړي. په ټوله کې، د افغانستان له ۸ ولایتونو څخه ۷۰ کسانو په دغه غونډه کې ګډون کړی وو چې ډېری یې ښځینه ول. ګډونوالو پر هغه لارو چارو باندې بحث وکړل چې د ښځو چارو وزارت، د دغه وزارت ولایتي ریاستونو او رضاکارانو ښځو ترمنځ همکارۍ ته څه ډول وده ورکړي. د افغان جرمن همکارۍ پروګرام چې په افغانستان کې د قانون حاکمیت ته وده ورکوي، دغه غونډه جوړه او له ۸۶۰۰۰۰ افغانیو څخه زیات لګښت په اندازه یې ورسره مالي مرسته وکړه.
22.09.1397 | خبرپاڼه
نن ورځ، د افغانستان نړیوالې سوداګرۍ خونې (ICC Afghanistan) په افغانستان کې نړیوال سوداګریز قوانین (اینکوترمز ۲۰۱۰) نشر کړل. دا قوانین او شرایط د اکثره هغو عادي شرایطو لپاره نړیوال معیار دی چې د قانوني تردیدونو او غلط فهم د مخنیوي لپاره په سوداګرۍ کې کارول کېږي. په کابل کې افغان لوړ پوړو چارواکو لکه د صنایعو او سوداګرۍ وزیر، اقتصاد وزیر، د لوړو زده کړو وزیر او د کابل پوهنتون رئیس او همدارنګه د اړوند ونډه والو په ګډون له ۲۰۰ څخه زیاتو نارینه او ښځینه میلمانوپه دغه پرانیست غونډه کې ګډون وکړ. د افغان – آلمان همکارۍ د دوامداره اقتصادي پراختیا او کارموندنې پروګرام (SEDEP) په افغانستان کې د اینکوترمز ۲۰۱۰ د پرانیستې لپاره زمینه برابره کړه.
20.09.1397 | خبرپاڼه
پړون یو شپاړلس ورځنی کمپاین چې په افغانستان کې د ښځو پر وړاندې د تاوتریخوالي له منځه وړلو په نړیواله ورځ د نومبر میاشتې په ۲۵ نېټه پیل شوې و، پای ته ورسید. د دې موضوع د "د ما غږ هم واوره، یعنې د ښځو او نجونو پر وړاندې تاوتریخوالی بس کړئ. د افغانستان د عدلیې وزارت څو ریاستونو په خپلو اړونده ولایتونو کې په دې اړه فعالیتونه ترسره کړل. د بېلابېلو دولتي ادارو استازو او مدني ټولنو په دغه غونډو کې ګډون وکړل. په افغانستان کې د ښځو او نجونو پر وړاندې د تاوتریخوالي له منځه وړلو اهمیت په ګوته کول د دې کمپاین موخه وه. په افغانستان کې د قانون حاکمیت ودې لپاره (RoL) د افغان جرمن همکارۍ پروګرام په بدخشان، بلخ، بغلان، تخار او کابل ولایتونو کې له دغه غونډو څخه ملاتړ وکړ.
19.09.1397 | خبرپاڼه
کابل د ۱۳۹۷ کال د لیندی میاشتې ۱۹ نېټه، نن د کابل له پوليتخنیک پوهنتون، کابل پوهنتون او بلخ پوهنتون څخه درې افغان پروفیسران او استاذان بېرته کابل ته راستانه شول. دوی د آلمان په پوټسډم ښار کې د آلمان په څېړنیز مرکز (GFZ) کې د ځمکې پېژندنې په دوه اوونیزه روزنه کې ګډون وکړ. دوی د زلزلو د تحلیل او موقعیت موندلو لپاره د SeisComp 3 په نوم د دغه مرکز د پوستغالي اداره کولو طریقه زده کړل. دغه پوستغالی د افغانستان په ګډون په مرکزي آسیا کې د ټکټونیکي فعالیتونو په اړه ښه پوهېدلو لپاره کارول کېږي. په افغانستان کې د افغان جرمن همکارۍ د عملي زده کړې پروګرام (AMEA) له دغه فعالیت سره مرسته کړې ده.
14.09.1397 | خبرپاڼه
يرون د لیندۍ ۱۳، ۱۳۹۷ کال، د بدخشان په ارګو ولسوالۍ کې، د افغان جرمن همکارۍ پروګرام د اوبو بیا رغول شوی کانال ولایت مقام ته وسپارل شوه. دغه کانال د سرای دارا په ساحه کې موقعیت لري او تقریباْ ۴۲۰۰ اوسېدونکو ته یې ګټه رسېږي څوک چې اوسمهال خپل کرنیزې ځمکمې په کافي اندازه خړوبولو ته لاسرسی لري. پر دې سربېره، د سيمه یيزې اوبو کاروونکو ټولنه (LWUA) چې په سيمه کې ۶۰۰ خصوصي د اوبو کاروونکي لري، جوړه شوه څو د کانال سم مدیریت او ساتنه يقيني شي. د ټولنې لپاره نوی جوړ شوی دفتر کافي اندازه کاري چاپېریال لري. د افغانستان په شمال کې د افغان جرمن همکارۍ د ثبات پروګرام (SPNA) د 23 میلونه افغانیو په ارزښت له ودانیزو کارونو سره مالي مرسته وکړه.