په افغانستان کښې د آلمان د همکاریو د تازه پیدا ګېرنو، پېښواو رپوټونو، مطبوعاتی خبرونو ریښتینو او تازه خبرونه د ولایت، نېټې او خبری طرحې په بنا د نورو معلوماتو لپاره د خپرونو، ویدیو ییاو تصوری ګالرۍ او د اړوندو لنکونو او خبری برخو او یا هم کتاب  تونونو ته د تلون په اساس په لمړیتوبونو ویشلی دی

فلتر

پايلې 478
03.02.1398 | خبرپاڼه
د غویی د میاشتې ۳ نېټه، کابل - پرون په کابل کې د روزونکو د روزنې ۸۰ ورځنی ورکشاپ پای ته ورسېد. په دغه روزنه کې د ښوونکو د روزنې له ۷ آزمایښتي دارالمعلمینو څخه ۱۴ ښځینه ښوونکو ګډون کړی وو. هغوی د تدریس نوي لارښود چې د لومړنی زده کړو ډيپلوم سپورت سره بلد شول کوم چې اوس مهال د جوړېدو په حال کې دی. استاذان باید خپل نوي ترلاسه کړي پوهه د ښوونکو روزنې کورسونو( TTCs ) ته انتقال کړي، چې له ۶۰۰۰ څخه ډېرې ښځینه محصلینو ښوونکو ته یې ګټه رسېږي. د ښوونکو د روزنې ریاست (TED) د افغان جرمن په همکارۍ دغه روزنه پلي کړه.
30.01.1398 | خبرپاڼه
مزارشریف، بلخ، د 1398 کال د وری د میاشتې 30 مه نیټه – پرون، د تخنیکي او مسلکي زده کړې او روزنې د ادارې استازو د بلخ ولایت د مزارشریف د تخته پل په سیمه کې د تخنیکي او مسلکي زده کړې او روزنې انګړ پرانیست. په دغه انګړ کې ودان شوي انستیتونه د ۲٬۲۰۰ تنو محصلینو ظرفیت لري او د انجینري زده کړې ، زراعتی وټرینري او د تخنیکي ښوونکو روزنه تدریس کیږي. دغه انګړ ۵۲،۲ جریبه یعنی ۱۰،۵ هکتاره مساحت لري چې د دفټبال د لوبې د ۱۴ ډګرونو سره معادل دی. د افغان-المان د همکارۍ ادارې د هغه ودانیز کارونه د شاوخوا ۱۱۳،۷ میلیونو افغانیو په ټولیز لګښت تمویل کړي دي.
28.01.1398 | خبرپاڼه
کابل، د ۲۰۱۹ کال د اپریل د میاشتې ۱۷مه نیټه – نن د افغانستان د سوداګرۍ او صنایعو خونې او د صنایعو او سوداگرۍ وزارت بانکي کریډتونو ته د کوچنیو او منځنیو شرکتونو د لاسرسۍ په باب د دولتي او خصوصي سکتورونو تر منځ یو ملي ډیالوګ په کابل کې جوړ کړ. په دې غونډه کې د دولتي او خصوصی سکتور د نهادونو د بیلابیلو موسساتو لکه د سکتوري وزارتونو، مالي نهادونو، سوداګريزو ټولنو او کوچنیو او منځنیو شرکتونو څخه د ښځو او نارینه وو په شمول شاوخوا ۱۰۰ تنو ګډون کړی وو. بانکي کریډټونو ته د لاسرسۍ آسانه کول به د افغانستان د پایښتونکي اقتصادي پراختیا سره مرسته وکړي. د افغان-المان د همکارۍ ادارې د دغې غونډې څخه ملاتړ وکړ.
27.01.1398 | خبرپاڼه
کابل، د ۱۳۹۸ کال د وری د میاشتې ۲۷مه نیټه – نن په ۲۰۱۹ کال کې د افغانستان د اسلامي جمهوریت او د المان د فدرالي جمهوریت تر منځ د همکارۍ په باب حکومتي سلامشورې پایته ورسیدې. د المان د اقتصادي همکاریو او پراختیا وزارت (BMZ) ژمنه وکړه چې شاوخوا ۵،۱ میلیاده افغانۍ یعنې ۵۹ میلیونه یورو به په افغانستان کې د ښې حکومتولۍ، پایښتونکي اقتصادي پراختیا او همداراز ښاري پراختیا او د ښاروالي بیخبناوو په ډګرونو کې پانګونه وکړي. برسیره پردې، ۸،۷ میلیارده افغانۍ یعنې ۱۰۰ میلیونه یورو د افغانستان د ایمني وجهي صندوق ته اختصاص ورکړل شوی دي. د ۲۰۰۱ کال راهیسې، د المان حکومت په ټولیزه توګه ۳۴۵ میلیارده افغانۍ یعنې ۴،۰۶ میلیارده یورو په افغانستان کې پانګونه کړیده.
21.01.1398 | خبرپاڼه
هزار سوموچ، تخار، د ۱۳۹۸ کال د وري ۲۱ مه – پرون د هزار سوموچ او کنجک کلېو ته د بریښنا رسولو مراسم ترسره شول. دولتي چارواکو او د افغانستان د برشنا شرکت استازو او افغانستان سره د آلمان همکارۍ پدغه مراسمو کې ګډون وکړ. دواړه کلي د تخار ولایت په هزار سوموچ ولسوالۍ کې موقعیت لري. شاوخوا 14,000 ځايي اوسیدونکي به ډیر ژر له باثباته بریښنا څخه ګټه پورته کړي. د افغانستان د برشنا شرکت به دغه پروژه تطبیق کړي چې د سیمه ایزې زیربناء د پراختیا د وجهي صندوق (RIDF) پواسطه ملاتړ کیږي. افغانستان سره د آلمان همکاري د دغې پروژې ودانیز کارونه د 124 میلیونه افغانېو په مجموعي لګښت سره تمویلوي.
29.12.1397 | خبرپاڼه
کابل، د ۱۳۹۷ کال د کب ۲۹ مه، پرون د افغانستان د کانونو او پټرولیم وزارت (MoMP) او افغانستان سره د آلمان د همکارۍ د پروګرام په استخراجي سکتور کې د ښې حکومتوالۍ ټینګولو پروګرام (MinGov) په کابل کې سره را غونډ شول. پدغه غونډه کې هغوې د ۲۰۱۹ کال لپاره د کانونو د مفتشینو لپاره روزنیز فعالیتونه پلان کړل. په مجموع کې، شاوخوا د کانونو ۸۰ مفتشین ښايي لدغو روزنیزو اقداماتو څخه ګټه پورته کړي چې د افغانستان ټول ولایتونه به تر پوښښ لاندې راولي. د کانونو او پټرولیم وزارت او د افغانستان په استخراجي سکتور کې د ښې حکومتوالۍ ټینګولو پروګرام په ګډه کار کوي ترڅو د کانونو ادارې ته وده ورکړي او د افغانستان د استخراجي سکتور بشپړه وړتیا په کار واچوي.
27.12.1397 | خبرپاڼه
کابل، د ۱۳۹۷ کال د کب ۲۷ مه، پرون یو افغان پلاوې چې د افغانستان د فساد سره د مبارزې د مخکښو ادارو د ۱۴ استازو لرونکې وه، کابل ته راورسید. هغوې په جکارتا، انډونیزیا کې فساد سره د مبارزې د پنځه ورځني ورکشاپ څخه وروسته بیرته هیواد ته راستانه شول. هلته، شاوخوا ۴۰ ګډون کونکو له فساد سره د مبارزې پر وړاندې د فعالیتونو د څارنې او ارزونې په اړه خپل آندونه سره شریک او د اړونده ورکشاپ د لاسته راوړنو په اړه يي د عامو وګړو د خبرلو د لارو چارو په اړه بحث وکړ. افغانستان سره د آلمان د همکارۍ پروګرام، د فساد د مخنیوي او فساد سره په مبارزې کې د آلمان-انډونیزیا د مرستې پروګرام (APCC) دواړو یوځاې دغه ورکشاپ همغږې کړ. د U4 د سرچینو مرکز او د انډونیزیا د فساد د له منځه وړلو کمیسون (KPK) په ګډه د دغې غونډې کوربه توب وکړ.
23.12.1397 | خبرپاڼه
کابل، د ۱۳۹۷ کال د کب ۲۳ مه – پرون د افغانستان د کانونو او پټرولیم وزارت یوه غونډه جوړه کړه چې موضوع يي د ښځو د نړیوالې ورځې په تړاو د " استخراجي صنعت کې د ښځو د ګډون کولو د کچې لوړول" وه. دې فعالیت د افغانستان د ښځو د تجارت او صنایعو اطاق (AWCCI) او د افغانستان د صنایعو او کانونو اطاق (ACIM) ښځینه متشبثین سره یو ځاې کړل ترڅو تبادله او همغږي سره آسانه کړي. ځانګړې تمرکز د افغانستان په استخراجي سکتور کې د ښځو د ګډون کولو د ترویج په څرنګوالي وه. تقریباً ۱۲۰ کسانو چې ۱۰۰ یې ښځې وي پدغه غونډه کې ګډون وکړ. افغانستان سره د آلمان د همکارۍ پروګرام دغه غونډه ملاتړ کړه.
23.12.1397 | خبرپاڼه
د ۱۳۹۷ کال کب د میاشتې ۲۳ نېټه. په دغه اونۍ کې، د نوي کېدونکي انرژۍ د همغږۍ شپږمې کمیټۍ (RECC) په کابل کې د اوبو او انرژۍ په وزارت(MEW) کې سره ولیدل . شا او خوا ۶۰ ګډونوالو، د حکومتي چارواکو او خصوصي او عامه سکټور اړونده ادارو په ګډون، د انرژۍ په سکټور کې د نوي کېدونکي انرژۍ موضوع ګانو، د بېلګې په توګه د افغان حکومت ۲۰۰۰ میګاواټه نوي کېدونکي انرژۍ کڅوړې پر میلان/تمایل باندې بحث وکړ. هغوی وروستۍ لاسته راوړنې وړاندې او د اوسني فعالیتونو په اړه تازه معلومات ورکړل. دغه غونډه د افغان - جرمن همکارۍ د انرژۍ سکټور پرمختیایي پروګرام (ESIP) په مالي مرسته جوړه شوې وه.
22.12.1397 | خبرپاڼه
کابل، د ۲۰۱۹ کال د مارچ د میاشتې ۱۳مه نیټه – پرون په کابل کې د خبریالانو او د مدني ټولنې د سازمانونو د استازو دپاره د کانونو او پټرولیم په وزارت کې یو ورکشاپ جوړ شوی وو چې په هغه کې په ټولیزه توګه د ۲۰ تنو نه زیاتو کسانو ګډون کړی وو. په دې غونډه کې د افغانستان د استخراجی صنایعو د شفافیت د نوښت په ادارې او د نوموړي وزارت د شفافیت په انترنټي ویبپاڼې باندې ټینګار وشو. د دې غونډې د جوړولو موخه داوه چې د خبریالانو پام د افغانستان د کان ایستنې سکتور ته راواړوي. دغه ورکشاپ د کانونو او پټرولیم د وزارت، د افغان-المان د همکارۍ د پروګرام او د افغانستان د استخراجی صنایعو د شفافیت د نوښت د ادارې په مرسته او همکارۍ جوړ شوی وو.