په افغانستان کښې د آلمان د همکاریو د تازه پیدا ګېرنو، پېښواو رپوټونو، مطبوعاتی خبرونو ریښتینو او تازه خبرونه د ولایت، نېټې او خبری طرحې په بنا د نورو معلوماتو لپاره د خپرونو، ویدیو ییاو تصوری ګالرۍ او د اړوندو لنکونو او خبری برخو او یا هم کتاب  تونونو ته د تلون په اساس په لمړیتوبونو ویشلی دی

فلتر

پايلې 478
14.05.1398 | خبرپاڼه
دوبۍ ، متحده عربي امارات، د ۱۳۹۸ کال د زمري څوارلسمه - پرون په دوبۍ کې ، د پایښت لرونکې انرژي پوهنتون د درجې د پراختیا لپاره دری ورځنۍ لومړنئ څیړنې (بیس لاین مطالعې) ورکشاپ پای ته ورسید. څلور افغان پوهنتونونه او یو الماني پوهنتون به په ګډه کار وکړي ، څو د خپلو مهارتونو په شریکولو دا کورس رامینځته کړي او زده کونکو ته د مرکبې زده کړې له لارې په آنلاین او مخامخ ډول زده کړه ورکړي. په دې ورکشاپ کې د انرژي او اوبو وزارت ، د لوړو زده کړو وزارت ، د افغانستان د نوی کیدونکي انرژۍ اتحادیې ، او اړوندو پوهنتونونو استازو په ګډون ۲۱ تنو نارینه وو او ښځو برخه اخیستې وه. دا غونډه د افغانستان-المان همکارۍ په ملاتړ جوړه شوې وه.
11.05.1398 | خبرپاڼه
یوګیاکارتا، انډونیزیا، ۱۱-۰۵-۱۳۹۸، هغه پنځه ورځنی ورکشاپ چې د افغانستان د ښځو چارو وزارت (MoWA) او انډونیزیا هېواد د ښځو پیاوړتیا او ماشومانو خوندیتوب وزارت (MoWECP) غړي یې سره راټول کړي ول، نن پای ته ورسېد. دا د هغه درې (۳) ورکشاپونو له لړۍ څخه یوه ورکشاپ و چې د دواړه وزارتونو ترمنځ همکاري پیاوړی کوي. دغه دواړو سیالانو د انډونیزیا په هېواد کې د ښځو اقتصادي پیاوړتیا پر بریالي اصولو باندې بحث وکړل. د ۱۳۹۷ کال راهیسې، د افغان او انډونیزیایي وزارتونو ترمنځ له دغه همکاری سره د افغان جرمن همکارۍ د آزادې پالیسۍ مشورتي صندوق مرسته کوي.
10.05.1398 | خبرپاڼه
کابل، د اګست لومړئ نیټه، ۲۰۱۹ کال - نن د سپورټ د استادانو (ښوونکو) لپاره د لومړنیو مرستو د پنځه ورځني روزنیز پروګرام وروستۍ ورځ وه، کوم چې په کابل کې ترسره شو. په دې روزنیز پروګرام کې د ۱۸ ښځو په ګډون ۳۰ تنو برخه اخیستې وه. په ګډونوالو کې، په اوو ولایتونو کې د ښوونکو د روزنې مرکزونو (TTC) استادان او د ښوونکو د روزنې ریاست لس تخنیکي غړي شامل وو. د افغانستان لپاره د افغان-المان د همکارۍ د لومړنیو ښوونو پروګرام (BEPA) د دغه روزنیز پروګرام چارې سنبال کړې وې. له دې روزنیز پروګرام څخه به د ۶۰۰۰ میرمنو په ګډون، د ښوونکو د روزنې مرکزونو شاوخوا ۸۰۰۰ زده کوونکو ته ګټه ورسیږي.
09.05.1398 | خبرپاڼه
۰۹-۰۵-۱۳۹۸، کابل. سبا ته په کابل کې د کان معیاري څلور اوونیزه روزنه پای ته رسېږي. په دغه روزنه کې د بېلابېلو ولایتونو لکه پروان، کاپيسا، بامیان، پنجشیر او دایکندي څخه د کانونو دولس (۱۲) مفتیشینو ګدون کړی دی. دغه روزنه د کانونو مفتیشین د دې جوګه کوي چې په استخراجي سکتور کې قوانین او مقررات مراعاتول باوري کړي. د دغه روزنې روزونکی د کانونو او پترولیم وزارت غړی وو او د روزونکو په روزنیز پروګرام (ToT) کې یې ګړی دی. دغه روزنه او د (ToT) د افغان جرمن همکارۍ په مالي مرسته جوړه شوې وه.
07.05.1398 | خبرپاڼه
کابل، د ۲۰۱۹ زېږدیز کال د جولایي د میاشتې ۲۹مه نېټه - پرون ورځ، د تخنیکي او مسلکي زده کړو او روزنې (TVET) ادارې چارواکي، د ۲۰ ولایتونو د پوهنې مرستیال رئیسان او د ۲۴ تخنیکي او مسلکي زده کړو له ښوونځیو څخه مدیران په کابل کې د یوه ورکشاپ لپاره سره راغونډ شول. ټولټال ۸۰ ګډونوالو، ښځینه وؤ او نارینه وؤ، په ملي کچه د استاد-شاګردۍ پروګرام د تطبیق د راتلونکي پړاؤ په اړه بحث وکړ. له 4,000 څخه زیات کار زده کوونکي به له دې پرمختللي مسلکي روزنیز پروګرام او زده کړې څخه په راتلونکې کې ګټه پورته کړي. د افغانستان – آلمان همکارۍ ادارې د تخنیکي او مسلکي زده کړو پروګرام له دې غونډې څخه ملاتړ وکړ.
01.05.1398 | خبرپاڼه
دوبی، عربي متحده امارات، د ۲۰۱۹ کال د جولای د میاشتې ۲۳مه نیټه – د افغان-المان د انرژۍ د سکتور د سمونتیا پروګرام (ESIP) او د هغه شریکانو په یوه غونډه کې چې د چنګاش د میاشتې د ۲۸مې نیټې څخه تر ۳۰مې نیټې پورې د دوبۍ په ښار کې جوړه شوې وه، د ۲۰۱۹ کال لپاره یوه منځ مهاله څیړنه ترسره کړه. په نوموړې غونډه کې چې د نارینه وو او ښځو په شمول د افغانستان د انرژۍ او اوبو د وزارت، د افغانستان د نوي کیدونکې انرژۍ د ټولنې او د خصوصي او دولتي سکتورونو نورو اړونده مراجعو درویشتو تنو استازو ګډون کړی وو، د ځوانانو د تشبث او کارجوړونې د ملاتړ د دوهم پړاو او په کورني سکتور کې د نوي کیدونکي انرژۍ د ودې په موخه د یوه اداره کوونکې ادارې د جوړولو په باب هوکړې لاسلیک شوې.
30.04.1398 | خبرپاڼه
کابل، د ۱۳۹۸ کال د چنګاښ د میاشتې ۳۰ نېټه - پړون، په کابل کې د کانونو او پټرولیم په وزارت کې د ملکي خدمتونو کارکوونکو او د مدني ټولنې د سازمانونو استازو او د خصوصي شرکتونو لپاره یو ورکشاپ ترسره شو. دغه ورکشاپ د ۲۰۱۹ زېږدیز کال په لومړیو کې د معطل کېدو څخه وروسته د ۲۰۲۰ زېږدیز کال لپاره د استخراجي صنایعو د شفافیت د نوښت معیارونو ته د افغانستان د غړیتوب ته بیا اعتبارورکولو بنسټ کېښود. د کانونو او پټرولیم وزازت د پلان او پالیسۍ معین ښاغلي ولي الله ځدران د دغه پروګرام مشري کوله. د مهمو دولتي چارواکو په ګډون شپېته کسانو، نارینه او ښځینه وو، او د افغانستان د استخراجي صنعتونو د روڼتیا نوښت د څو ګونو ښکېلو خواوو ګروپ ګډون کړی وؤ.
28.04.1398 | خبرپاڼه
متحده عربي امارات، دوبۍ، د ۲۰۱۹ زېږدیز کال د جولای د میاشتې ۱۹نېټه - پرون، په افغانستان کې د برېښنا شبکې ته د پیسو په بدل کې د شخصي اضافي برېښنا د صادرولو نظریې ارزولو له درې غونډو څخه یوه غونډه په دوبۍ کې ترسره شوه. د دغه ډول برېښنا کارولو سیسټم اسانتیاوې هغه پېرودونکو ته اجازه ورکوي څوک چې خپله برېښنا تولیدوي څو اضافه برېښنا د پیسو په بدل کې ګرید ته صادره کړي. یوولس ګډونوال چې د نارینه او ښځینه وو په ګډون، دولتي چارواکي او د خصوصي او عامه سکتور ښکېل اړخونه شامل ول، د برېښنا شبکې ته د پیسو په بدل کې د اضافي برېښنا صادرولو د موجوده مقرراتو او همدارنګه د ودې، روښانتیا او منلو لپاره پر وړاندیزونو باندې بحث وکړ. دغه غونډه د افغان جرمن د انرژۍ سکتور د سمونتیا پروګرام (ESIP) په مالي مرسته جوړه شوې وه.
13.04.1398 | خبرپاڼه
د ۱۳۹۸ کال د چنګاښ میاشتې ۱۳مه نېټه- کابل، پرون په کابل کې د بشري حقونو او جنډر د روزنې مېتودولوژۍ په اړه د روزونکو روزنې لپاره د دوباره ورپه یادولو (refresher) درې ورځني روزنې وروستۍ ورځ وه. په دغه ورکشاپ کې د افغانستان د ۴۸ ښوونکو د روزنې له مرکزونو (TTCs) څخه نږدې ۱۰۰ استاذانو د ۱۲ مېرمنو په ګډون، د بشري حقونو او جندر په اړه خپلې پوهې لوړې کړې. اوس، دغه استاذان په دې برخه کې ښه تجربه لري او دا توان لري چې دغه پوهه له خپلو محصلینو استاذانو سره شریکه کړي. د دارالمعلمین ریاست (TED) دغه ورکشاپ د افغان جرمن همکارۍ په مرسته ترسره کړه.
12.04.1398 | خبرپاڼه
دوشنبه، تاجکستان، د ۱۳۹۸ کال د چنګاښ ۱۱ مه – پرون دوشنبه، تاجکستان د کډوالو او راستنیدونکو چارو وزارت لپاره د شپږ ورځني ورکشاپ وروستۍ ورځ پاې ته ورسوله. د دوه مېرمنو په ګډون د وزارت دولسو استازو د کډوالو او راستنېدونکو چارو د وزارت په مالي او اداري معینیت کې د کاري پروسو د اصلاح او لا ډیر مؤثریت لپاره ځنې کړنلارې جوړې کړې. افغانستان سره د آلمان د همکارۍ د مشورتي فنډ پرانیستې پالیسي د کډوالو او راستنېدونکو وزات او د هغه اړونده معینیتونه د هغه د ۲۰۱۵-۲۰۱۹ کال د ستراتیژیکي پلان په پلي کولو کې د ظرفیت لوړونې د بېلابېلو فعالیتونو پواسطه ملاتړ کوي. اصلي موخې یې افغان وګړو ته د چوپړتېاو د برابرولو سمون او همداراز د وزارتونو او دولتی ادارو ترمنځ د مهاجرت په اړه د چارو همغږي کول دي.