ثبات جوړونه

ثبات جوړونه

په افغانستان کې د آلمان لخوا د ثبات لپاره پیل شوي ګامونو لومړني اهداف د خوندي چاپېریال برابرول، له ځنډ څخه پرته د ژوندانه شرایط ښه کول، د حکومت او مدني ټولنې ظرفیت پیاوړی کول دي. په دې کې د پارلماني او ولسمشریزو ټاکنو، د پخلاینې/سولې تګلارې او د قانون له حاکمیت څخه ملاتړ شامل دی.

د آلمان حکومت د پولیسو داسې یو ځواک روزي چې د قانون حاکمیت پر بنسټ د امنیت ساتلو/راوستلو توان ولري. په افغانستان کې اوږد مهاله امنیت یوازې په هغه صورت کې تضمین کېدلای شي، که چیرې د هېواد امنیتي ځواکونه د دې توان ولري چې د خپلو ټولو دندو مسولیت پر غاړه باندې واخلي.

په دې کې د آلمان حکومت لخوا وړاندې شوې مرسته چې د UNDP لخوا اداره کېږي، د افغانستان لپاره د قانون او نظم بودیجوي صندوق (LOTFA) لپاره کلنی ۶۰ میلونه یورو شامله ده، چې له دې بودیجې څخه د افغان پولیسو معاشونه ورکول کېږي. پردې سربېره، د آلمان فډرالي حکومت د نارینه او ښځینه پولیس افسرانو د سواد زده کړې کورسونو بودیجه هم ورکوي چې موخه یې د پولیسو او ټولنې تر منځ باور جوړول دي. د ۲۰۰۲ او ۲۰۱۴ کالونو ترمنځ، د آلمان د پولیسو دوه اړخیزه پروژې له ۷۳۰۰۰ څخه ډېر افغان پولیس روزلي دي.   

د دولتي جوړښتونو پیاوړتیا بشپړولو لپاره، په افغانستان کې ثبات له مدني ټولنې څخه ملاتړ کول دي. په دې کې (د بېلګې په توګه Medica Mondiale, Save the Children ادارو په همکارۍ) د ښځو، ماشومانو او ځوانانو د حقونو ترویجوول شامل دي. هغه تګلارې چې په مستقیم ډول په افغانستان کې د سولې او پخلاینې په بهیر کې مرسته کوي، له هغوی سره هم مرسته کېږي.   

په افغانستان کې د ثبات لپاره قوي معيشت هم مهم دی. د بنسټیزو زیربناو پراختیایي پروژو لکه (اداري ودانۍ او روغتونونه) د هدف وړ پروژو سربېره، فډرالي حکومت په کابل کې د ښاري زیربناو په بیا رغونه لکه ( د بابر او چهلستون باغونه) کې هم مرسته کوي. همداراز، له پاکستان، تاجکستان او ایران سره سرحدي سیمې په ځانګړې توګه د زیربنایي پروژو له طریقه ورسره مرسته کېږي چې نه یوازې په سیمه کې به د ژوند کیفیت ښه کړي بلکه د پولې له هغه خواوو سره به همکارۍ او اقتصادي پراختیا ته هم ضمینه برابره کړي.

په افغانستان کې داخلي بی ځایه شوي کسان د لاسي صنایعو په برخه کې روزل شوي او خپل کورونه له محلي سرچینو سره د جوړولو په برخه کې ورسره مرسته شوې ده. سیمه ییز چارواکي د شخړې حساسیت او د نوي راستنېدونکو سره منصفانه چلند کولو په برخه کې روزنه ترلاسه کوي څو د کډوالو او کوربه ټولنو ترمنځ د شخړو مخنیوی وشي.

د مونږ د کار په اړه د ثبات لومړیتوب په باره کې مفصل معلومات د پروژې تفصیل او 'کیسو' په برخې کې موندلای شئ.

 

زمونږ کار پدی برخه کي

اعتماد جوړونه – د افغانستان په ټولنو کې د پولیسو د چاروو تامینول د خلکو او پولیسو تر منځ د باور جوړولو او د پولیسو په خدمتونو کې په ماهرانه ډول د منځته راتلونکو ستونزو د حل کولو په موخه د المان حکومت په افغانستان کې د ډیالوګ د غونډو د سازمان ورکولو او د روزنیزو کورسونو د جوړولو په لاره کې د افغان لوري د اقدامونو څخه ملاتړ کوي. more
د افغانستان په شمال کې د کډوالو ادغامول د المان حکومت د افغانستان د کډوالو او راستنیدوکو د وزارت سره د هیواد په کوربه ټولنو کې د کورنیو بیځایه شویو او راستنیدونکو د ادغام د کار د آسانه کولو په موخه د استوګنې او لومړنۍ بیخبنا د برابرولو په لاره کې مرسته کوي. more
په افغانستان کې د کارپوهانو ادغام په افغانستان کې د وزارتونو، مهمو ادارو او د حکومت د اداري ارګانونو د منجمنت د کچې د لوړولو په موخه د المان فدرال حکومت د افغانستان د کار په بازار کې د ادغام شویو کارپوهانو د معرفي کولو څخه ملاتړ کوي. more
د افغانستان د خلکو دپاره د روغتیایي څارنې سمون د دې لپاره چې د خلکو دپاره روغتایي څارنې د هیواد د پایتخت کابل نه بهر هم تامین شي، د المان حکومت په افغانستان کې د روغتیایی مرکزونو د بیارغونې او سمبالولو، او همداراز د هغو ګامونو څخه هم ملاتړ کوي کوم چې د پولیو د کورني «وحشی» رنځ سره د مبارزې په لاره کې، چې د نایجریا او پاکستان تر څنګ اوس هم په افغانستان کې شتون لري، پورته کیږي. more
په افغانستان کې د کانونو ایستل – د لوړو زده کړو سمون او د نوښتونو منځته راوړل د دې لپاره چې د کانونو د سکتور پوتنسیالونه په ښه توګه وکارول شي د المان فدرال حکومت د افغانستان څخه د کانونو د ایستنې په څانګه کې د مسلکې زده کړې د سمون، د کار د بازار او اقتصاد د اړتیاوو سره د دغې زده کړې د تطابق او په نړیواله کچه د هغې د اړیکو د تامینولو په اړه ملاتړ کوي. more
د پولې پر سر د پراختیا او همکارۍ تینګښت د دې لپاره چې د افغانستان، پاکستان او تاجکستان د پیچلو سرحدي سیمو میشته اوسیدونکو ژوند سمون ومومي، د هغوی ترمنځ همکاري او ادغام آسانه شي، او اقتصادي پراختیا تحریک شي، د المان حکومت د سیمې د ټولنیزې-اقتصادي بیخبنا د پراختیا څخه ملاتړ کوي. more
د کابل په زړه کې د ژوند کیفیت ته سمون ورکول او د کار د فرصتونو منځته راوړل د ځوانانو او ښځو دپاره د اړینو آسانتیاوو د برابرولو په موخه د المان حکومت د کابل په جنوب کې د چهلستون د تاریخي بڼ د بیارغونې سره مرسته کوي. دغه عمومي بڼ چې د ۱۲ هکتاره مساحت په لرلو سره په کابل کې تر ټولو لوی بڼ ګڼل کیږي، اوس په یوې موډرنې طرحې سره بیارغول کیږي. more
په افغانستان کې د ښوونځیو څخه ملاتړ – د ښه تدریس په موخه د افغانستان د کوچنیانو او ځوانانو د ښوونې او روزنې د دوامداره سمون په موخه د المان فدرال حکومت په کابل کې د دریو بیلګي ښوونځیو څخه ملاتړ کوي چې له هغو څخه د موډل په توګه په نورو ښوونځیو کې ګټه واخیستل شي: د هلکانو اماني لیسه، د نجونو عایشه دراني لیسه او د جمهوریت لیسه چې د نجونو د اقتصادي علومو ښوونځۍ ده. more
د افغانستان د شمال د ثبات جوړونې په موخه پیاوړي حکومتي جوړښتونه د دې لپاره چې محلي جوړښتونه د ولایاتو په کچه غښتلي شي او په عین حال کې په کلیوالي سیمو کې د افغانستان د خلکو د ژوند شرایط سمون ومومي، د المان فدارل حکومت په دې ډګر کې د اړینو ظرفیتونو د جوړولو او همداراز په افغانستان کې د کوچنیو بیخبنایي اقدامونو څخه ملاتړ کوي. more
د پولیسو د خدمتونو څخه ملاتړ – روزنه او د سواد زده کړه د المان فدرال حکومت د افغانستان د پولیسو افسرانو لپاره د روزنې او د سواد د زده کړې د اقدامونو څخه په ټول هیواد کې د ثبات او امنیت د سمونتیا او د ملي پولیسو د خدمتونو د خپلواکۍ او کارپيژندنې د زیاتولو په موخه ملاتړ کوي. more

زموږ کيسې

Twitter icon
Facebook icon