د اوبو تمرکز

اوبه د ژوند دی

په افغانستان کې اوبه یو باارزښته څیز دي چې بدیل نلري. اوبه د کرهنې د محصولاتو او همداراز د هیواد د کورنیو دپاره د څښاک د اوبو رسولو په برخه کېې ډیر ارزښت لري. افغانستان د هغو هیوادونو له ډلې څخه شمیرل کیږې چې تر ټولو نه زیات د اقلیم د بدلون سره مخامخ دي، سیلابونه او وچکالي پرله­پسې هغه ته زیان رسوي. د ۱۳۶۸ کلونو راهیسې د وچو موسومونو شمیر زیات شوی دی. د افغانستان د کرهنیزو مځکو شاوخوا یوه دریمه برخه د اوبو د پرله­پسې کموالي له امله د ګټې اخیستنې وړ نه ده. دا کار د پاملرنې وړ اقتصادي عواقبو سبب ګرځي. بله ستونځه د ځنګلونو تقربیاً بشپړ غوڅول او په پایله کې د خاورې  ښوئیدل دي. دا کار د دې سبب ګرځي چې که د مځکې لاندې د اوبو سرچینې چې په زیاتیدونکي توګه ناولې کیږي په بسیا توګه زیرمه نشي او په وږدمهال کې د اوبو رسول د خطر سره مخامخ شي.

د ۱۳۸۰ کال راهیسې د افغانستان خلکو ته د اوبو رسول زیات سمون موندلی دی. د اوسنیو اټکلو له مخې د ښاري اوسیدونکو شاوخوا ۳۰٪ سلنه د اوبورسونې یو منظم سیستم ته لاسرسۍ لري. خو دغه سلنه په کلیوالي سیمو یوازې ۱۶٪ ده (د روغتیا نړیوال سازمان – WHO). د هیواد د کلیوالي سیمو ډیر شمیر اوسیدونکي خپل د څښاک اوبه د چینو، ویالو، د باران د اوبو د ډنډونو، کورنیو څاګانو او برمه شوي څاګانو څخه په لاس راوړي. په ښارونو کې خلک د عامه نلونو، کانکریتي څاګانو یا د اوبو د ټانکونو سره تړاو لري، ځکه د څښاک د اوبو یوه فعاله شبکه په ټولو ځایونو کې شتون نلري. په تیره بیا زیات شمیر ښځې او ماشومان دې ته اړ دي چې څو کیلومتره لاره ووهي تر څو اوبه په لاس راوړي. د یو لړ اټکلو له مخې په هیواد کې د ډېرئ ناروغیولامل ناولې اوبه دي. دغه کار د خلکو پر روغتیایي وضعې او په دې توګه د افغانستان پر اقتصادې وضعې باندې د پاملرنې وړ اغیزې هم کوي.

د المان فدرال حکومت په افغانستان کې د څښاک د اوبو رسونې د وران شوې بیخبنا د بیارغونې او د ژوند د چاپیریال د شرایطو سره سم د زړو کارخانو په له منځه وړلو کې مرسته کوي. دغه هیواد په افغانستان کې د څښاک د دولتي اوبو رسونې په ډګر کې مخکښه نړیوال مرستندوی شمیرل کیږي. سربیره پردې، المان د افغانستان د انرژۍ او اوبو د وزارت او همدارنګه د رودونو او اوبو د اوږدمهال منجمنت د جوړښتونو د ودانولو مسئولو ادارو ته او همدارنګه د څښاک د اوبو رسونې او د فاضله اوبو د دفعې په ډګر کې سلامشوره ورکوي او د افغانی شریکانو څخه ملاتړ کوي چې د کارخانو د مونتاژ او ساتنې او څارنې د پرسونل تخنیکي روزنې ته په مسلکي توګه سمون ورکړي.

د اوبو په ډګر کې زمونږ د کارونو په باب نور معلومات کولای شی د پروژې په تفصیلاتو او د "کیسو" تر سرلیک لاندې ولولی.

 

 

زمونږ کار پدی برخه کي

په کابل کې د ډیرو اوبو د شتون په موخه د څښاک د اوبورسونې د سیستم پراخول د دې لپاره چې د افغانستان د خلکو دپاره د څښاک پاکې او کیفیت لرونکي اوبه په بسیا کچه په منظمه توګه برابرې شي، د المان فدرال حکومت د کابل په ښار کې د اوبو رسونې د شبکې د جوړولو او پراخولو څخه ملاتړ کوي. more
د افغانستان په شمال کې پاکې اوبه د افغانستان په شمالي ښارونو کې د اوبو رسونې د شبکې د سمون او همدارنګه د څښاک د اوبو د کیفیت د تامینولو په موخه د المان فدرال حکومت د اوبو رسونې د بیخبنا د اړینې پراختیا څخه ملاتړ کوي. more
د پاکو اوبو دپاره څرګنده مقررات او روزل شوي مسلکي کارکوونکي د څښاک اوبو ته لاسرسۍ او د فاضله اوبو دوامداره مدیریت په سیمه کې روزل شوي مسلکي کارکوونکو او همداراز واک لرونکي او اغیزمنو نهادونو ته اړتیا لري. په همدې سبب دالمان فدرال حکومت د افغانستان څخه د اړینو حقوقي او اداري جوړښتونو او د اغیزناکه مدیریت د کړنلارو د جوړولو او د سیاسي لارښوونو د ستراتیژیک پلې کولو په لاره کې ملاتړ کوي. more
Twitter icon
Facebook icon